Напярэдадні Дня народнага адзінства вучні 9“А” класа сталі ўдзельнікамі інтэрактыўнага мерапрыемства “Адзінства народа – адзінства культуры”, якое прайшло ў Магілёўскай абласной бібліятэцы імя У.І.Леніна. Мэта дадзенага мерапрыемства: пашырэнне ведаў па гісторыі Беларусі, а таксама выхаванне нацыянальнай годнасці вучняў.
Мерапрыемства пачалося з кароткай інфармацыйнай даведкі пра гісторыю ўзнікнення свята. Потым вучні бралі ўдзел у разнастайных конкурсах: збіралі пазлы з гербамі гарадоў і мемарыяльнымі комплексамі Беларусі, суадносілі фатаграфіі і назвы беларускіх помнікаў, адгадвалі па партрэтах прозвішчы знакамітых беларусаў, вызначалі назвы беларускіх народных інструментаў, удзельнічалі ў віктарыне на веданне дзяржаўных святаў Беларусі.
Завяршылася мерапрыемства наведваннем экспазіцыі музейнага пакоя гісторыі кнігі і бібліятэкі. Архіўныя дакументы, рэдкія кнігі з подпісамі аўтараў, прадметы матэрыяльнай культуры выклікалі ў вучняў вялікую зацікаўленасць. Дзевяцікласнікі ўбачылі самую старую кнігу ў фондах бібліятэкі 1763 года выдання, рэдкія выданні 18-19 стагоддзяў, а таксама падручнікі для школьнікаў, па якіх вучыліся на мяжы 19-20 стагоддзяў.
Наведванне бібліятэкі спрыяла патрыятычнаму выхаванню вучняў, а таксама пашырыла веды пра свет прафесій, што вельмі важна для дзевяцікласнікаў, некаторым з якіх зусім хутка трэба будзе выбіраць прафесію.

27 мая вучні 5-ых класау́ ( Крупянкоу́ Іван 5Б, Марозава Ганна 5Б, Рэдказубава Маргарыта 5В) наведалі ДУА «Сярэдняя школа 28 г.Магілёва» і прынялі у́дзел у гарадскім этнакраязнау́чым марафоне «Поры года. Каляндар традыцый» (ІІІ этап). Праграма складалася з 3 частак: 1) дэманстрацыя веснавога абраду;
2)экскурсія у́ музеі «Спадчына»;
3) квест-гульня «Вясновыя забавы»: конкурсная віктарына, прысвечаная святам і традыцыям ( неабходна было даць адказы на прапанаваныя пытанні, узнавіць прыказкі, разгадаць загадкі, назваць святы) .
Вучні атрымалі Дыплом ІІ ступені.
Дадзенае мерапрыемства спрыяе пашырэнню ведау́ пра побыт беларускага народа, пра народныя абрады і традыцыі.
Юрчанка С.А., настау́нік беларускай мовы і літаратуры.

21 лютага ў ДУА «Сярэдняя школа №23 г.Магілёва» вучні разам з настаўнікамі святкавалі Міжнародны дзень роднай мовы. На перапынках вялікую цікавасць у дзяцей выклікалі настольна- друкаваныя гульні і разнастайныя конкурсы.
Для вучняў 5″А» класа была арганізавана віктарына «Не маўчы па- беларуску». Школьнікі прыгадвалі вядомыя ім прыказкі і загадкі, знаёміліся са скарбамі беларускай мовы, гулялі ў беларускі «Кракадзіл».
Для вучняў 8″А» класа была арганізавана гульня «Ведай свой край», падчас якой дзеці актывізавалі свае веды па беларускай лексіцы і прыгадалі народныя святы. А вучні 11″Б» класа бралі ўдзел у віктарыне «Ад прадзедаў спакон вякоў». Старшакласнікі прыгадалі імёны славутых беларусаў, якія развівалі беларускую літаратуру на працягу стагоддзяў, а таксама размаўлялі пра знакамітыя творы беларускіх пісьменнікаў .
Такія мерапрыемствы спрыяюць развіццю культуры маўлення вучняў, папулярызуюць беларускую мову і нацыянальную культуру. Калі сёння мы будзем актыўна карыстацца беларускай мовай, то і нашы нашчадкі будуць яе ведаць і шанаваць.

21 лютага вас ўсім свеце адзначаюць Міжнародны дзень роднай мовы. Наша мова старажытная, прыгожая, пявучая, шчырая, напеўная, ласкавая, багатая, выразная, незалежная, квяцістая.
Кажуць, мова- душа народа. Шануйце і паважайце яе!!!

У рамках святкавання Міжнароднага дня роднай мовы вучні школы прынялі ўдзел у захапляльнай гульні «Перакладчык»!

Падчас мерапрыемства нашы вучні паказалі сваю эрудыцыю, кемлівасць і актыўнасць. Яны з задавальненнем перакладалі словы з рускай мовы на беларускую, што дазволіла ім яшчэ раз упэўніцца ў тым, наколькі багатая, прыгожая і мілагучная наша беларуская мова.

Гульня стала выдатным спосабам не толькі павысіць узровень ведаў, але і заахвоціць усіх да вывучэння роднай мовы. Мы ўпэўненыя, што такія мерапрыемствы спрыяюць захаванню беларускай культуры і мовы!

Дзякуем усім удзельнікам за актыўнасць і цікавасць! Чакаем новых сустрэч і новых перакладаў!