Архивы дней: 03.07.2021
Дзень Незалежнасці Рэспублікі Беларусь (Дзень Рэспублікі)
Дзень Незалежнасці Рэспублікі Беларусь (Дзень Рэспублікі)
Дата 3 ліпеня ўвайшла ў гісторыю Беларусі яркай старонкай гераічнай доблесці беларускага народа. У гэты дзень у 1944 годзе Мінск быў вызвалены ад нямецка-фашысцкіх захопнікаў.
Дзень Незалежнасці Беларусі сёння – гэта, перш за ўсё, дзень памяці ўсіх тых, хто на палях бітваў і ў тыле цаной жыцця змагаўся за свабоду і незалежнасць нашай Радзімы. Тых, хто ў пасляваенны час ўздымаў нашу дзяржаву з руін, будаваў заводы і фабрыкі, дамы, дзіцячыя сады і школы.
У гонар іх памяці 3 лiпеня па ўсёй краіне праводзяцца масавыя ўрачыстасці і гулянні. У Мінску будзе працаваць дзевяць святочных ваенна-тэматычных пляцовак пад агульнай назвай «Нашчадкі Перамогі». Яны размесцяцца ў парках імя Уга Чавеса, Перамогі, імя М. Паўлава, імя Я. Купалы, экстрэмальных відаў спорту, Камароўскім скверы, у мемарыяльным комплексе «Курган Славы», спартыўным комплексе «Чыжоўка-Арэна» і каля Нацыянальнай бібліятэкі.
Мінчане і госці сталіцы змогуць убачыць сучаснае ўзбраенне і ваенную тэхніку, выступы армейскіх артыстаў, паўдзельнічаць у конкурсах, выпрабаваць сябе на ваенных трэнажорах, зрабіць унікальныя фота.
Праграмай свята запланаваны канцэрныя праграмы «Гімн у гонар Беларусі» (пляцоўкі Верхняга горада) і «Мая краіна – Беларусь» (каля Дварца спорту). Увечары ў сталіцы адбудзецца гала-канцэрт «Беларусь адзіная».
Скончацца мерапрыемствы агульнарэспубліканскай акцыяй «Спяём гімн разам» і святочным феерверкам, які ў 23:00 расквеціць неба ў горадзе-героі Мінску, крэпасці-героі Брэсце, абласных гарадах.
Дзень Незалежнасці Рэспублікі Беларусь (Дзень Рэспублікі) – гэта ўвасабленне повязі пакаленняў і іх плённай працы, сімвал міру, росквіту і дабрабыту на нашай зямлі.
